Heydər Əliyev təəccüblü şəkildə bunu bacardı - Yakuboviç

Ümummilli lider Heydər Əliyev Rusiya ilə Azərbaycan arasında ənənəvi güclü əlaqələri ən yüksək səviyyədə saxlaya bildi.
Qanunvehedef.az xəbər verir ki, bu sözləri “Vestnik Kafkaza” nəşrinə rusiyalı aparıcı və aktyor, Rusiyanın xalq artisi Leonid Yakuboviç “Mədəniyyətlərin dialoqu və müasir dövrün çağırışları” adlı kitabın təqdimat mərasimi və Azərbaycan xalqının Ümummilli lideri Heydər Əliyevin 96 illiyi münasibətilə Azərbaycan Respublikasının Moskvadakı səfirliyinin qonaq evində keçirilən qəbul çərçivəsində danışarkən deyib.
Onun sözlərinə görə, Rusiya və Azərbaycan arasındakı dostluq ənənədir.
“Heydər Əliyev əlaqələri qıran çoxlarından fərqli olaraq, bu ənənəni sadəcə təəccüblü şəkildə dəqiq və həssas formada saxlamışdır. O, möhtəşəm intuisiyası ilə özü üçün vəzifələri müəyyən edərək, bütün bunları saxlaya bildi. Çünki əsas xalqdır. Havada və quşlarda olduğu kimi, xalqın da sərhədləri yoxdur. Xalq həmişə təkdir, çünki biz Yer sakinləriyik. Heydər Əliyev bunu hər kəsdən yaxşı bilirdi, hiss edirdi və bu möhtəşəmdir. Adı və əməlləri əsrlərlə yaşasın!” - Leonid Yakuboviç bildirib.шаблоны для dle 11.2