"Dedim ki, o mənə pul verə bilər, mən ona yox" - Natavan Həbibi

 

Müğənni Natavan Həbibi açıqlaması ilə diqqət çəkib.
Axşam.az xəbər verir ki, o, AzTV-də yayımlanan "Telesəhər Ell və Nikki ilə" proqramında həmkarlarının bir neçəsinin İnstaqramdakı izləyicilərinin orijinal olmadığını iddia edib:
"İnstaqram mənim səhifəmi özü təsdiqləyib. Sən demə, Azərbaycan üzrə ilk təbii bir milyon izləyicisi olan mənəm. Səhifəni pulla təsdiqlətmək istəyi mənə gəlsə də, qəbul etmədim. Dedim ki, İnstaqram mənə pul verə bilər, amma mən ona yox".
Qeyd edək ki, Natavandan öncə izləyici sayı bir milyonu ötmüş məşhurlar sırasında Xalq artisti Röya Ayxan, müğənnilər Damla, Sevil və Sevinc bacıları, Xatirə İslam, Zaur və Günay cütlüyü də var.