Kənan Kərimzadə: Sertifikasiyadan keçən 80 mindən çox müəllimin maaşları artırılıb
“Son 20 il ərzində ölkə ərazisində 3600-dən çox ümumi təhsil müəssisəsi inşa olunub və ya əsaslı təmir edilib. 1,3 milyon şagirdin təlim və təhsil şəraiti yaxşılaşıb”.
Qanunvehedef.az xəbər verir ki, bunu elm və təhsil nazirinin müavini Kənan Kərimzadə bildirib.
O qeyd edib ki, STEAM layihəsi 300 mindən çox, Rəqəmsal bacarıqlar layihəsi isə 500 mindən çox şagirdi əhatə edir.
Nazir müavini həmçinin 80 mindən çox müəllimin sertifikasiyadan keçirildiyini və maaşlarının artırıldığını vurğulayıb.
K.Kərimzadə əlavə edib ki, Azərbaycan təhsil sistemi inkişafa açıqdır: “Dünya sürətlə dəyişir. Süni intellekt artıq ən ağıllı şagirdə çevrilir. Təhsilin məqsədi artıq öyrənmək və öyrətməkdir. İnanıram ki, bu konfrans təkcə bilik mübadiləsi ilə bitməyəcək.
Mütərəqqi təhsil sistemini nüsxələmək olmur. Təhsil sistemləri bir ölkədən digərinə nisbətən dəyişir. Təhsildə keyfiyyət mütləq tamamlanmalı, qorunmalıdır. Hər zaman bu sahədə islahatlar hazırlamaq heç də asan olmur. Azərbaycan məktəbi inkişaf üçün böyük pontensiala malikdir".
Qəni Hüseynov
