Müqəddəs ziyarətgahlara getmək asanlaşdı
Baxılıb: 536 Tarix: 31-05-2018 16:57
AZAL müqəddəs ziyarətgahları daha əlçatan edəcək yeni reyslər açır.
Azərbaycan Hava Yolları QSC-nin mətbuat xidmətindən Qanunvehedef.az-a verilən məlumata görə, Bakıdan Ciddə və Burayda (Əl-Qassim) istiqamətində reyslərə aviabiletlər artıq AZAL-ın saytında satışa çıxarılıb.
AZAL-dan Səudiyyə Ərəbistanının Burayda (Əl-Qassim Beynəlxalq Aeroportu - ELQ) və Ciddə (Kral Əbdüləziz Beynəlxalq Aeroportu - JED) şəhərlərinə yerinə yetirilən reyslərə aviabiletlər əldə etmək olar.
Birbaşa uçuşlar yay cədvəli çərçivəsində həftədə bir dəfə həyata keçiriləcək. Bakı-Ciddə-Bakı reysləri cümə axşamı (iyunun 21-dən avqustun 30-dək) və Bakı- Əl-Qassim-Bakı reysləri cümə günləri (iyunun 15-dən avqustun 31-dək) yerinə yetiriləcək.
Yeni reyslərin açılması Yaxın Şərqdən əlavə turist axınını cəlb etməyə imkan verəcək. Həmçinin müqəddəs ziyarətgahları daha əlçatan edəcək.
Ən çox oxunanlar
Son xəbərlər
