Millət vəkili şəhid övladları üçün tədbir keçirdi – Foto

Millət vəkili Qənirə Paşayevanın rəhbərlik etdiyi Avrasiya Beynəlxalq Araşdırmalar İnstitutu və Aprel-2016: Şəhid ailələrinə dəstək İctimai Birliyi Sumqayıtda “Turan” istirahət mərkəzində AXC-nin 100-cü ildönümünə və Uşaqların Beynəlxalq Müdafiəsi Gününə həsr olunmuş “Vətən bizə əmanət” adlı tədbir keçirib.
Qanunvehedef.az xəbər verir ki, tanınmış jurnalist Fəxriyyə Lilparın aparıcılığı ilə keçirilən bayram tədbiri 2016-cı ilin aprel və 2017-ci ilin fevralında vətən uğrunda şəhid olmuş qəhrəmanların övladları üçün nəzərdə tutulub.
Tədbirdə millət vəkili Qənirə Paşayeva, Aprel-2016: Şəhid ailələrinə dəstək İctimai Birliyin təsisçiləri Aida Eyvazlı və Sevinc Alızadə, Səbail rayon İcra hakimiyyətinin müavini Xalidə Bayramova çıxış edərək tədbirin məramı haqqında ətraflı məlumat veriblər, dövlətin uşaqlara göstərdiyi himayə və qayğıdan danışıblar.