Bakıda yeni metro stansiyası bu tarixdə açılacaq

Bakı metropoliteninin "Bənövşəyi xətt" üzrə tikilməkdə olan şərti adı B3 olan stansiyasında tikinti işləri sürətləndirilib.
Qanunvehedef.az xəbər verir ki, bu barədə Bakı Metopoliteni Qapalı Səhmdar Cəmiyyətinin sədr müavini Hidayət Məmmədov məlumat verib.
O bildirib ki, stansiyada artıq ən müasir standartlara cavab verən avadanlıqların quraşdırılmasına başlanılıb:
"Digər stansiyalardan fərqli olaraq, burada yeni nəsil avadanlıqlardan istifadə olunur. Bu gedişlə stansiyanın 2019-cu ilin sonu, 2020-ci ilin birinci rübündə sərnişinlərin istifadəsinə verilməsi planlaşdırılır".