İran saytı Qarabağ təxribatına yol verib?

İranın Elm və Texnologiya Məsələləri üzrə vitse-prezidentliyinə bağlı İran Milli Elm Fondunun (İNSF) rəsmi internet səhifəsində Azərbaycanın ərazi bütövlüyünün pozulması haqda iddia təsdiqini tapmayıb.
Qanunvehedef.az xəbər verir ki, sözügedən saytda Azərbaycanın işğal altındakı Dağlıq Qarabağın bölgəsinin müstəqil respublika göstərilməsi ilə bağlı iddianın həqiqətə uyğun olmadığı müəyyən edilib.
Qeyd edək ki, ötən gün sosial şəbəkələrdə İranın Elm və Texnologiya Məsələləri üzrə vitse-prezidentliyinə bağlı İran Milli Elm Fondunun (İNSF) rəsmi internet səhifəsində Azərbaycanın ərazi bütövlüyünün pozulması haqda məlumat yayılmışdı. İddia edilmişdi ki, saytın qeydiyyat bölümündə Azərbaycanın Ermənistan tərəfindən işğal edilmiş Dağlıq Qarabağ bölgəsi müstəqil ölkələr sırasında təqdim edilib.