Deputat şəhid atası ilə görüşdü

Milli Məclisin Mədəniyyət komitəsinin sədri Qənirə Paşayeva Tovuz rayonu Qovlar şəhər sakini, Vətən müharibəsi şəhidi Zülfüqar Abbasovun atası Bayram Cəfər oğlu Abbasovla görüşüb.
Qanunvehedef.az xəbər verir ki, millət vəkili şəhid atasını tarixi zəfər münasibətilə təbrik edib.
O, Zülfüqar kimi oğulların fədakarlığı sayəsində torpaqlarımızın Ermənistanın işğalından azad olunduğunu, xalqımızın 30 illik həsrətinə son qoyulduğunu bildirib:
“Oğlunuz Zülfüqar Azərbaycan Prezidentinin 15 dekabr 2020-ci il tarixli Sərəncamı ilə “Vətən uğrunda” medalı ilə təltif edilib. Bu medal oğlunuza respublikamızın ərazi bütövlüyünün təmin edilməsi uğrunda döyüş əməliyyatlarında iştirakı və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyinə görə verilib.
Tanrıdan bütün şəhidlərimizə rəhmət diləyirik!”
Q.Paşayeva şəhid atasına Mədəniyyət Komitəsi adından məktub və üzərində “Şuşa Azərbaycandır!” yazılmış qol saatı təqdim edib.шаблоны для dle 11.2