Millət vəkili şəhid tankçının atası ilə görüşdü

Milli Məclisin Mədəniyyət Komitəsinin sədri Qənirə Paşayeva Lerik rayon sakini, Vətən Müharibəsinin şəhidi, gizir Cəlal Ağayevin atası Ağaverdi Xanverdi oğlu Ağayevlə Mədəniyyət Komitəsində görüşüb.
Qanunvehedef.az xəbər verir ki, görüşdə igid hərbçinin həyat və döyüş yolundan bəhs edilib, atası oğlu ilə bağlı xatirələrini bölüşüb.
Millət vəkili şəhid atasının qayğıları ilə maraqlanıb və hər zaman bu ailənin yanında olacağını bildirib.
Qeyd olunub ki, Cəlal Ağayev 2016-cı ilin Aprel döyüşlərində də iştirak edib.
“Tankçı oğlunuz “Vətən uğrunda” və “İgidliyə görə” medalları ilə təltif edilib. Cəlal Ağayev kimi hərbçilərimizlə hər zaman qürur duyacağıq!” – millət vəkili bildirib.
Şəhid tankçının atasına Komitə adından məktub təqdim edilib.шаблоны для dle 11.2