Həkim sağlam körpəyə 15 dərman yazdı - "Firma oyunu"

Bakıda həkim 2 aylıq uşağa çox ağladığına, köp və qaz sancısına görə 15-dən çox dərman təyin edib.
Qanunvehedef.az Bakupost.az-a istinadən xəbər verir ki, bu barədə pediatr Günay Rəsulova qeyd edib.
Pediatr dərmanların fotosunu da paylaşıb və bildirib ki, sözügedən resepti yazan həkimin hərəkəti yolverilməzdir:
"Belə ki, “Gentamicin” antibiotik içməyə təyin edilib. Halbuki bu qrup antibiotiklər içməyə təyin edilə bilməz. Digər gördüyünüz balaca paketlər: "Luminal" qıcolma əleyhinə vasitədir, onu da körpəyə yatması üçün yazıblar, "Mezim forte" isə həzm dərmanıdır, böyüklər üçündür; probiotiklər, qulaq damcısi, göz damcısı, qaraciyər dərmanı və s... Ağıla gələn, gəlməyən nə varsa, yazıb".
Pediatr deyib ki, əslində uşaqda olan ağrı heç bir müalicə ehtiyacı olmayan, 3 ayından sonra öz-özünə zamanla keçəcək bir problemlərdir.
G.Rəsulova ehtiyac olmadığı halda 2 aylıq körpəni bu qədər zərərli dərmanla yükləməyə qəti etirazını bildirib.шаблоны для dle 11.2