Xəzər rayonunda sakinlərlə görüşlər mütəmadi olaraq davam etdirilir
Xəzər Rayon İcra Hakimiyyətinin başçısı Elşən Salahov tərəfindən rayonun qəsəbə və kəndlərində sakinlərlə mütəmadi görüşlər keçirilir. Görüşlərin əsas məqsədi vətəndaşların müraciət və problemlərini yerində dinləmək, onları narahat edən məsələlərin operativ həllinə nail olmaqdır.
Sakinlərlə keçirilən görüşlər zamanı səsləndirilən təklif və müraciətlər diqqətlə nəzərdən keçirilir, aidiyyəti qurumlara müvafiq tapşırıqlar verilir. Bu cür görüşlər vətəndaş-məmur münasibətlərinin daha da möhkəmləndirilməsinə, əhalinin qayğılarının birbaşa öyrənilməsinə və problemlərin həlli istiqamətində çevik tədbirlərin görülməsinə xidmət edir.
Xəzər rayonunda sakinlərlə açıq və səmimi dialoqun davam etdirilməsi, onların müraciətlərinə həssaslıqla yanaşılması rayon rəhbərliyinin fəaliyyətində əsas istiqamətlərdən biri kimi diqqətdə saxlanılır.
Qəni Hüseynov
Qanun və hədəf qəzetinin şöbə müdiri
