Xəzər rayonunda inkişaf və vətəndaşlarla sıx əməkdaşlıq diqqət mərkəzindədir
Azərbaycan son illərdə Prezident İlham Əliyevin rəhbərliyi ilə həyata keçirilən məqsədyönlü daxili və xarici siyasət nəticəsində mühüm uğurlar əldə edib. Ölkənin iqtisadi qüdrətinin artması, sosial layihələrin genişlənməsi, regionların inkişafı və beynəlxalq aləmdə Azərbaycanın mövqeyinin daha da möhkəmlənməsi dövlət siyasətinin əsas nəticələrindəndir.
Prezident İlham Əliyevin xarici siyasətində Azərbaycanın milli maraqlarının qorunması, ölkəmizin beynəlxalq nüfuzunun artırılması və regionda sülh və əməkdaşlığın təmin olunması mühüm yer tutur. Daxili siyasətdə isə əsas diqqət vətəndaşların rifahının yüksəldilməsinə, iqtisadi inkişafın təmin olunmasına, şəhər və rayonların müasirləşdirilməsinə yönəlib.
Bu uğurlu siyasətin yerli səviyyədə davam etdirilməsi istiqamətində Xəzər Rayon İcra Hakimiyyətində də ardıcıl işlər görülür. Rayon İcra Hakimiyyətinin başçısı Elşən Salahov sakinlərlə mütəmadi görüşlər keçirir, onların müraciət və problemlərini dinləyir, qaldırılan məsələlərin həlli ilə bağlı aidiyyəti qurumlara konkret tapşırıqlar verir.
Xəzər rayonunun qəsəbələrində keçirilən səyyar qəbullar və görüşlər vətəndaşlarla dövlət qurumları arasında birbaşa əlaqənin daha da gücləndirilməsinə xidmət edir. Sakinlərin problemlərinin yerində dinlənilməsi və onların həlli istiqamətində tədbirlərin görülməsi vətəndaş məmnuniyyətinin təmin olunmasına xüsusi önəm verildiyini göstərir.
Rayonda abadlıq və quruculuq işləri, küçə və yolların yenilənməsi, ərazilərin təmizliyi, yaşıllıqların qorunması və ictimai məkanların səliqəyə salınması istiqamətində də tədbirlər davam etdirilir.
Ümumilikdə, Elşən Salahovun rəhbərliyi ilə Xəzər rayonunda həyata keçirilən işlər dövlət başçısının müəyyən etdiyi inkişaf strategiyasına uyğun olaraq vətəndaş məmnuniyyətinin artırılmasına, rayonun abadlaşdırılmasına və sakinlərin rifahının yüksəldilməsinə xidmət edir.
Sakinlərlə açıq dialoqun davam etdirilməsi və mövcud problemlərin mərhələli şəkildə həlli Xəzərin daha müasir və abad rayon kimi inkişafına mühüm töhfə verir.
Qəni Hüseynov
Qanun və hədəf qəzetinin şöbə müdiri
