Əsədin tək anladığı dil budur – Senatda dinləmə

Əsəd rejiminin insanlıq cinayətini və məhbuslara qarşı törədilən işgəncələrin fotolarını çəkən “Sezar” ləqəbli keçmiş hərbi polis ABŞ Senatının Xarici Əlaqələr Komitəsində Suriyada şahidi olduqlarını danışıb.
Qanunvehedef.az xəbər verir ki, “Sezar” rejim daxilində 2,5 il məhkəmə fotoqrafçısı kimi işlədiyini bildirərək, Əsəd rejiminin insanlıq cinayətinin və məhbuslara qarşı törədilən işgəncələrinin şahidi olduğunu deyib.
“Rejim həbsxanalarında hələ də 250 min suriyalı məhbus var. Bir çoxu gördüyü işgəncələr və aclıq səbəbi ilə ölümlə üz-üzədir. Beynəlxalq təşkilatlar bu vəziyyətə təcili müdaxilə etməlidir. Əgər səssiz qalsalar, Əsəd rejimi yenidən insanlıq cinayətinə yaşıl işıq yandıracaq. Unutmayın ki, rejim diplomatiya və razılaşmadan anlamır. Dəstəkçiləri Rusiya və İran kimi tək başa düşdüyü dil ölüm və müharibədir”, - şahid bildirib.