BVF çevrilişdən az öncə bu ölkəyə 350 milyon göndərib

Myanmadakı dövlət çevrilişinə bir neçə gün qalmış Beynəlxalq Valyuta Fondu bu ölkənin hökumətinə koronovirus pandemiyası ilə əlaqədar təcili kömək çərçivəsində 350 milyon dollar göndərib.
Qanunvehedef.az xəbər verir ki, bu məlumatı “Röyters” agentliyi yayıb.
Məlumata görə, vəsait keçən həftə Myanmanın hesabına köçürülüb. Agentlik digər ənənəvi proqramlardan fərqli olaraq BVF-nin təcili yardım proqramı çərçivəsində təqdim etdiyi vəsaiti geri qaytarmağın mümkünsüz olduğunu bildirib.
Qeyd edək ki, Myanmada 1 fevralda dövlət çevrilişi baş tutub. Hərbçilərin hakimiyyəti devirməsindən sonra hökumətin bütün nüfuzlu üzvləri həbs edilib.