Sərkisyan vəzifə tutmaqdan imtina etdi, amma...

Heç bir halda Ermənistanda yüksək vəzifə tutmaq niyyətində deyiləm.
Qanunvehedef.az xəbər verir ki, bunu Ermənistanın Respublikaçılar Partiyasının sədri, eks-prezident Serj Sərkisyan deyib.
“Dövlət sisteminin yüksək postlarında öz xidmətimi bitmiş sayıram. Əksəriyyət deyəcək ki, 2015-ci ildə də mən eyni şeyi deyirdim, amma baş nazir oldum. Bu artıq başqa müsahibənin mövzusudur. Heç bir halda yüksək vəzifə tutmayacağam, amma istənilən yüksək vəzifəli şəxsin müşaviri və ya məsləhətçisi ola bilərəm”, – deyə o bildirib.
Sərkisyan, həmçinin Respublikaçılar Partiyasının rəhbərliyindən getmək fikrində olmadığını deyib:
“Əksinə, mən aktivəm və RP daha aktiv olacaq. Əgər kapitulyantsız (Kapitulyasiyanı imzalayan şəs, Paşinyan nəzərdə tutulur – red.) seçki olsa, biz orada iştirak edəcəyik”.