15 milyardlıq layihə: Rusiya və Çin izləniləcək
Baxılıb: 401 Tarix: 28-02-2021 10:04
ABŞ-la Kanada Rusiya və Çinin hərbi mövcudluğuna qarşı çıxmaq üçün Arktika bölgəsində müdafiə peyk şəbəkəsini və müşahidə sistemini yeniləyəcək.
Qanunvehedef.az xəbər verir ki, bu barədə "Voll Strit Jurnal" məlumat yayıb.
Nəşrin məlumatına əsasən, ABŞ Prezidenti Co Bayden Kanada Baş naziri Castin Trudodan Şimali Amerika Aerokosmik Müdafiə Komandanlığının (NORAD) modernləşdirilməsi üçün xərcləri artırmağı istəyib.
Nəşr qeyd edib ki, Soyuq müharibə dövründə NORAD SSRİ-ni əhatə etmə strategiyasında mühüm rol oynayıb. Vaxt keçdikcə nəzarət sistemi köhnəlib.
NORAD komandanlığının keçmiş siyasi məsləhətçisi Mişel Davson bildirib ki, müasir Rusiya və Çin raketlərinin əvvəlki modellərə nisbətən səs sürəti beşqat artıqdır və uzun məsafələrə uçma qabiliyyətinə sahibdir. Buna görə Arktika sistemi onları izləyə bilmir.
Manitoba Universitetinin mütəxəssislərindən birinin proqnozuna əsasən, modernləşdirmə layihəsi ölkələrə təxminən 15 milyard dollara başa gələ bilər. Kanada altı milyard dollar ödəməli olacaq.
Ən çox oxunanlar
Son xəbərlər
