Paşinyan qovduğu generalı Baş Qərargah rəisi edir

Ermənistanın Baş Qərargah rəisi vəzifəsinə Artak Davtyanın namizədliyi irəli sürülüb.
Qanunvehedef.az xəbər verir ki, Ermənistan Baş naziri Nikol Paşinyan Prezident Armen Sərkisyana onun bu vəzifəyə təyinatı üçün müraciət edib.
Qeyd edək ki, Davtyan 2018-ci ilin mayından 2020-ci ilin iyununa qədər Baş Qərargah rəisi vəzifəsini icra edib. O, 2020-ci ildə Hərbi Sənaye Komitəsinə rəhbər göndərilsə də, noyabr ayında vəzifəsindən azad edilib. Dünən isə o, Ermənistan Baş Qərargahının xüsusi tapşırıqlar üzrə baş zabiti təyin edilib.