Aİ-nin vasitəçisi bu gün Tbilisiyə yola düşəcək

Avropa İttifaqı (Aİ) Şurasının Prezidenti Şarl Mişelin Gürcüstanda siyasi böhranla əlaqədar vasitəçi təyin etdiyi şəxsi nümayəndəsi Kristian Danielson bu gün Gürcüstana yola düşəcək.
APA-nın Gürcüstan bürosu xəbər verir ki, isveçli diplomatın missiyasına sabahdan başlaması gözlənilir. Onun ölkədə siyasi böhranın Avropa İttifaqının da dəstəklədiyi həll yolunu tapması üçün yenilənmiş dialoqa vasitəçilik edəcəyi bildirilib.
Qeyd edək ki, fevralın 23-də “Vahid Milli Hərəkat” partiyasının sədri Nika Melianın partiyanınn baş qərargahında həbs edilməsindən sonra Gürcüstanda hakimiyyətlə müxalif partiyalar arasında siyasi böhran pik həddə çatıb.

Qanunvehedef.azшаблоны для dle 11.2