Rusiyanın dağılma ssenarisi: 10 il sonra... - Osipenko

Rusiya dövlət kimi 10 il sonra dağılacaq.
Qanunvehedef.az xəbər verir ki, bu iddia ilə ukraynalı hərbi ekspert Ruslan Osipenko çıxış edib.
O, buna Rusiyaya qarşı tətbiq edilən sanksiyaların şərait yaradacağını bildirib:
“Mən onunla razıyam ki, Rusiyaya qarşı sanksiyalar ona uzunmüddətli perspektivdə zərər vuracaq. Əgər dayanıqlı inkişaf reytinqinə baxsaq, görərik ki, Ukrayna 7 il ərzində Rusiyanı qabaqlayıb. Bu o deməkdir ki, Rusiya iqtisadiyyatının inkişafı dayanıb, Ukrayna iqtisadiyyatı və ÜDM-si isə artmağa davam edir. Biz Rusiya qədər potensiala sahib deyilik, amma çox bənddə artıq onları qabaqlamışıq”.
Osipenko Rusiyanın Krım məsələsində faktiki olaraq tələyə düşdüyünü söyləyib:
“O, Krımı işğal edib, indi isə gedə bilmir. Bu sanksiyalar zamanla Rusiyanı dağıdacaq. Məncə, 10 il ərzində gerçəkləşəcək. SSRİ 1979-cu ildən 1990-cı ilə qədərki dövrdə yıxıldı. İki səhv buraxıldı – Əfqanıstan və yenidənqurma”.