Rusiyada təyyarə qəzası: Bütün sərnişinlər öldü

Rusiyanın An-26 təyyarəsi ilə əlaqə itib.
Qanunvehedef.az xəbər verir ki, bu məlumatı Rusiya Fövqəladə Hallar Nazirliyinin Kamçatka diyarı üzrə baş idarəsi yayıb.
Təyyarənin Kamçatka yarımadası yaxınlığında yoxa çıxdığı bildirilib. Təyyarədə ümumilikdə 28 nəfərin olduğu vurğulanıb.
***
Rusiyanın Kamçatka regionunda radarlardan itən sərnişin təyyarəsinin dənizə düşdüyü ehtimal olunur.
***
Radarlardan itən An-26 markalı sərnişin təyyarəsinin qalıqları tapılıb.
***
Qəzaya uğrayan təyyarədəki bütün sərnişinlər ölüb.
Fövqəladə Hallar Nazirliyinin əməkdaşı bildirib ki, təyyarənin göyərtəsindəki 22 nəfər sərnişindən və 6 ekipaj üzvündən sağ qalanı yoxdur.
Rusiya Hava Nəqliyyatı Federal Agentliyi də təyyarənin qalıqlarının tapıldığını təsdiqləyib.