"Cəsədlər yan-yana düzülmüşdü..." - ADNA-dakı terrorun şahidləri o dəhşəti belə xatırladı

 Xəbər verdiyimiz kimi, bu gün Azərbaycan Dövlət Neft Akademiyasında (ADNA) törədilən terror aktının növbəti ildönümüdür.
Hadisə şahidləri həmin dəhşətli günü belə xatırlayır:
"Cəsədlər yan-yana düzülmüşdü. Qan gördükcə vəhşiləşən qatil hər yerə mərmi yağdırırdı. Hamı həyəcanda idi. Nə baş verirdi axı?".
Qeyd edək ki, kütləvi qətllə nəticələnən faciə 2009-cu il aprelin 30-da Azərbaycan Dövlət Neft Akademiyasının (ADNA) Bakı şəhəri, Dilarə Əliyeva küçəsi, 227 saylı ünvanda yerləşən ikinci korpusunda baş verib. Ali məktəbin binasına daxil olan Gürcüstan vətəndaşı, 1980-ci il təvəllüdlü Qədirov Fərda Əsəd oğlu inzibati binanın birinci mərtəbəsindən altıncı mərtəbəsinədək qarşısına çıxan hər kəsə "Makarov" tipli tapançadan atəş açıb, nəticədə 12 nəfər ölüb, 13 nəfər isə yaralanıb. Hadisəni törədən şəxs binanın sonuncu mərtəbəsində əlindəki silahla özünü vuraraq intihar edib.