Fransada ilk: Şiə təşkilatına qarşı antiterror əməliyyatı

Fransada “Centre Zahra France” şiə təşkilatının mənzil qərargahında antiterror əməliyyatı keçirilib.
Qanunvehedef.az xəbər verir ki, bu barədə məlumatı Fransa polisi yayıb. Əməliyyatda 200 polis iştirak edib. Əməliyyat bu gün səhər saat 6-da Qrand-Sent kommunasında baş tutub. Polis təşkilat rəhbərini terror təşkilatları ilə əlaqələrdə ittiham edib.
Mətbuat adı çəkilən təşkilatın Fransada aktiv antisionist çağırışlar etdiyini bildirib.
Qeyd edək ki, son bir neçə il ərzində Qərbdə şiə təşkilatlarına qarşı demək olar heç bir fəaliyyət aparılmayıb. Ölkələr antiterror əməliyyatlarını əsasən sünni təşkilatlara qarşı həyata keçiriblər.