Rusiya Jurnalistlər Birliyi bu qurumdan qovuldu

Rusiya Jurnalistlər Birliyi Beynəlxalq Jurnalistlər Federasiyasından (İFJ) xaric edilib.

Qanunvehedef.az xəbər verir ki, bu barədə Rusiya Jurnalistlər Birliyinin saytında dərc olunmuş bəyanatda bildirilib.

"Rusiya Jurnalistlər Birliyi Beynəlxalq Jurnalistlər Federasiyasının jurnalistlər birliyini birdəfəlik xaric etmək qərarını siyasi motivli, peşəkar baxımdan əsassız və on illərdir özünü jurnalist həmrəyliyinin müdafiəçisi kimi təqdim edən bir təşkilat üçün rüsvayçı hesab edir. Qovulmanın rəsmi səbəbi 2022-ci ildə Zaporojye və Xerson vilayətlərində filialların açılması idi. Rusiya assosiasiyası dəfələrlə izah edib ki, bu filiallar yeni bölgələrdə çalışan və dəstəyə ehtiyacı olan jurnalistlərin təhlükəsizliyi və sosial müdafiəsi üçün yaradılıb", - bəyanatda qeyd olunub.

Qanunvehedef.az