Ruslar yeddi Avropa ölkəsinə gedə bilməyəcək

Biometrik məlumatları olmayan köhnə tipli pasportlara sahib ruslar bir neçə Avropa ölkəsinə səfər edə bilməyəcəklər.

Qanunvehedef.az xəbər verir ki, bu barədə Kutafin adına Moskva Dövlət Hüquq Universitetinin Hüquqşünaslar və Bloqçular Birliyinin üzvü Qalina Zemskova məlumat yayıb.

"Bir sıra ölkələr biometrik olmayan Rusiya pasportlarını qəbul etməyi dayandırıb. 2026-cı ildən etibarən Danimarka, Malta, Çexiya, İslandiya, Norveç, Litva və Estoniya tam qadağa tətbiq edib", - o bildirib.

Zemskova əlavə edib ki, Fransa da oxşar qadağa tətbiq edib, lakin müəyyən kateqoriyalı vətəndaşlar üçün istisnalar edib. O, izah edib ki, 15 yaşdan kiçik uşaqlar, eləcə də 1 iyun 2025-ci il tarixindən əvvəl Şengen vizası alanlar üçün girişə icazə verilir.

Qanunvehedef.az