Qara dənizdə Türkiyə gəmisi vuruldu - Yaralılar var

Qara dənizdə Türkiyə gəmisi vurulub.

Qanunvehedef.az xəbər verir ki, bu barədə Ukrayna Hərbi Dəniz Qüvvələri öz teleqram kanalında məlumat verib.

Bildirilib ki, Vanuatu bayrağı altında hərəkət edən və Türkiyəyə məxsus “Ant” yük gəmisi hücuma məruz qalıb.

Məlumata görə, gəmi Odessa vilayətindəki limanlardan birindən Türkiyəyə doğru hərəkət edirmiş.

Hücumdan sonra yük daşıyan gəmidə yanğın baş verib, yaralanan iki ekipaj üzvü təxliyə olunub.

Qanunvehedef.az