Venesueladakı zəlzələdə 32 nəfər öldü

Venesuelada baş verən güclü zəlzələlər nəticəsində azı 32 nəfər həlak olub, 700-dən çox şəxs isə yaralanıb.

Qanunvehedef.az xarici mətbuata istinadən xəbər verir ki, bu barədə Venesuela prezidentinin vəzifələrini icra edən Delsi Rodriges bildirib.

Onun sözlərinə görə, ən çox zərər çəkmiş bölgə La-Quayra ştatı olub:

“La-Quayrada onlarla bina uçub və hazırda biz mümkün qədər çox insanın həyatını xilas etmək üçün çox gərgin xilasetmə işləri aparırıq”.

Xatırladaq ki, Venesuelada bir-birinin ardınca baş verən 7,2 və 7,5 bal gücündə iki güclü zəlzələ ölkədə geniş dağıntılara səbəb olub. Hadisədən sonra hökumət fövqəladə vəziyyət elan edib, paytaxt Karakas və ətraf bölgələrdə xilasetmə əməliyyatlarına başlanılıb.