Səlim Müslümov həbs olunub, ya yox?

Sabiq əmək və əhalinin sosial müdafiəsi naziri Səlim Müslümovun həbsi barədə ötən gündən məlumat yayılır.
Qanunvehedef.az xəbər verir ki, sosial şəbəkələrdə yayılan məlumatda S.Müslümovun Dövlət Sosial Müdafiə Fondundan “yoxa çıxan” 2 milyard manata görə aparılan istintaq çərçivəsində saxlanıldığı iddia edilib.
Maraqlıdır ki, bu xəbər rəsmi qurumlar tərəfindən indiyə qədər təsdiq və ya təkzib edilməyib. Xəbərə münasibət bildirməsi üçün hüquq-mühafizə orqanlarının mətbuat xidmətlərinə göndərilən sorğulara hələ müfəssəl cavab verilməyib. Bu isə qeyri-rəsmi informasiyanın yayılmasına şərait yaradır.
Hər hansı rəsmi məlumat olacağı halda xəbər yenilənəcək...