Bakının da daxil olduğu 12 şəhər qərar verəcək

Yayda Avropa Çempionatına ev sahibliyi etməli olan 12 şəhər UEFA-nı az sayda azarkeşin stadiona girməsinə icazə verəcəkləri ilə bağlı məlumatlandıracaqlar.
Qanunvehedef.az xəbər verir ki, bu barədə “Deyli Meyl” qəzeti məlumat yayıb.
Qəzetin məlumatına görə, çempionatın təşkilatçıları aprelin 7-nə qədər UEFA-nı məlumatlandırmalıdırlar, əks təqdirdə turniri təşkil etmək hüququndan məhrum olacaqlar.
Qəzet həmçinin yazıb ki, bəzi şəhərlər yerli sanitariya məhdudiyyətləri səbəbidən arenanın tutumunun yalnız 10 faizini təmin edə biləcəklərini bildirsələr də, UEFA bu rəqəmləri qəbul etməyib.
UEFA rəhbəri Aleksandr Çeferin də Avropa Çempionatının boş tribunalar qarşısında keçirilməyəcəyini bəyan etmişdi.
Azarkeşlərin tribunalara buraxılması ilə bağlı qərar aprelin 20-də UEFA-nın konqresində veriləcək.
Qeyd edək ki, futbol üzrə Avropa Çempionatını təşkil edəcək 12 şəhər arasında Bakı da var.шаблоны для dle 11.2