Daha çətin oyun gözləyirdim - Qurban Qurbanov
Baxılıb: 266 Tarix: 01-10-2021 13:05
Mən daha çətin oyun gözləyirdim. Rəqibi qiymətləndirməmək olmaz. Qarşıdakı matçlarda da bu cür çıxış etməliyik.
Qanunvehedef.az xəbər verir ki, bunu "Qarabağ"ın baş məşqçisi Qurban Qurbanov Kiprdə "Omoniya"ya 4:1 hesabı ilə qalib gəldikləri UEFA Konfrans Liqasının qrup oyunundan sonra mətbuat konfransında deyib.
Q.Qurbanov futbolçularına təşəkkür edib:
"Yaxşı mübarizə apardıq. Düzdür, ilk hissədə hesabda geri düşdük. Amma futbolçular sonadək mübarizə apardılar. Rəqibə gələcək oyunlarda uğurlar arzulayıram".
Qurbanovun sözlərinə görə, ilk hissədə də kifayət qədər qol imkanları olub:
"Sadəcə, standart vəziyyət zamanı ani diqqətsizlikdən qol buraxdıq. Halbuki oyunçulara daha diqqətli olmağı tapşırmışdıq. İkinci hissədə ruhdan düşmədik, medyana qələbə üçün çıxdıq. İkinci yarı daha sürətli alındı və hücumlarımız kəsərli alındı".
Ən çox oxunanlar
Son xəbərlər
