“Azər -Türk Bank” və “YAŞAT” Fondu əməkdaşlıq sənədi imzaladı - Fotolar
“Azər -Türk Bank” və “YAŞAT” Fondu arasında birgə əməkdaşlıq sənədi imzalanıb.
Qarşılıqlı əməkdaşlığın əsas istiqamətlərini müəyyən edən sənəd “Azər-Türk Bank” ASC-nin İdarə Heyətinin sədri Günel Nəbiyeva və “YAŞAT” Fondunun rəhbəri Elvin Hüseynov tərəfindən imzalanıb.
“Azər-Türk Bank” tərəfindən Azərbaycan Respublikasının ərazi bütövlüyünün müdafiəsi ilə əlaqədar yaralananların və şəhid ailələrinin təminatına dəstək fondu - “YAŞAT” Fonduna dəstək göstəriləcəyi sənəddə öz əksini tapıb.
Razılaşmaya əsasən, tərəflər Fondun şəhid övladları üçün “Bir uşaq - bir gələcək” layihəsi çərçivəsində əməkdaşlıq edəcəklər.
Qeyd edək ki, şəhid ailələrinə və qazilərə xüsusi diqqətin göstərilməsi “Azər-Türk Bank”ın sosial layihələrinin əsas istiqamətlərindən biridir.
