Deputatdan YAŞAT-la bağlı təklif: Pul köçürək!

Qarşıdan Ramazan bayramı gəlir. Bizim dinimiz xeyriyyəçiliyi də təbliğ edir. Təklif edirəm ki, YAŞAT Fonduna növbəti dəfə vəsait köçürəcək. Hesablama Palatasının da bu təşəbbüsə qoşulması çox yaxşı olardı.
Qanunvehedef.az xəbər verir ki, bu təklifi Milli Məclisdə çıxışı zamanı deputat Qüdrət Həsənquliyev səsləndirib.
Deputat xatırladıb ki, Fond şəhid ailələri, qazilərlə bağlı böyük işlər görür:
“Bu yaxınlarda mən də daxil olmaqla, bir neçə həmkarımız bir zabitimizlə bağlı müraciət etmişdik. Çox sağ olsun ki, bu məsələ həll edildi. Hətta ASAN Xidmət qazimizlə bağlı problemi üzərinə götürdü. Beləcə daha bir zabitimizə yeni həyat verildi. Hesab edirəm ki, Ramazan bayramı günlərində də xeyriyyəçilik təbliğ edilməlidir”.