"Niyə korrupsiyanın qarşısı vaxtında alınmır?" - Deputat

"Hesablama Palatasının həyata keçirdiyi tədbirlərə baxanda üzvlərin peşəkarlığını görmək olur. Lakin Palatanın nəzarət mexanizm əmsalı aşağıdır".
Bunu deputat Əli Məsimli Hesablama Palatasının hesabatına münasibət bildirərkən deyib. Onun sözlərinə görə, Hesablama Palatası fəaliyyətini səmərəli şəkildə həyata keçirməsi üçün beynəlxalq normalardan istifadə edir: "Hesablama Palatasının fəaliyyəti nəticəsində 2017-ci ildə büdcəyə qaytarılan vəsaitlərin toplananda 17 milyon manat vəsait edir. Bunun hamısı büdcəyə yönəldilməsə də, bu rəqəmdən çıxış edərək Palatanın fəaliyyəti nəticəsində büdcəyə qaytarılan vəsait dövlət büdcəsi xərclərinin 0.1 faizindən artıqdır. Bu açıq şəkildə göstərir ki, nəzarət mexanizminin faydalı iş əmsalı xeyli dərəcədə aşağıdır. Hesab edirəm ki, "Dövlət maliyyə nəzərəti haqqında" da qanun da qəbul edilməlidir. Hesablama Palatasının səlahiyyətinin artırılması, həm də bu qanunun qəbulu vacibdir".
Millət vəkili korrupsiya hallarına qarşı mübarizə tədbirlərini də effektli hesab etmədiyini deyib: "Hesablama Palatası ötən il nöqsanlara yol verən 258 şəxsə qarşı müxtəlif intizam tədbirləri həyata keçirilib, onlardan 9 nəfər işdən azad edilib. Azərbaycanda nəzarət mexanizmi paradoksludur. Eyvanda bir kərpic qoyanda dövlət orqanları onun başına toplanır. Lakin dövlət hakimiyyət orqanlarında bu məsələyə yolavermə prinsipi ilə yanaşılır.Yalnız məmur işdən çıxarlır, o milyonlarla vəsait mənimsəmiş olur ki, bu səhv yanaşmadır.
Bundan başqa, Palata korrupsiya hallarına qarşı da effektli tədbirlər görür. Lakin Hesabalama Palatası korrupsiyaya qurşanana qədər onun yolunu kəsməlidir. Bunun da yolları aydındır. Dövlət vəsaitindən istifadədə istrafçılıq, bəzən bir obyektin tikilməsinə iki –üç dəfə artıq vəsait ayrılır. Bu hallara qarşı mübarizə tədbirləri yolları dəfələrlər burada da qaldırılıb. Nə üçün gübrə 12-14 manatadır, 20-25 manata satılır? Nə üçün hesablama palatası bu istiqamətdə iş görmür?".
Deputat Vahid Əhmədov da öz növbəsində qeyd edib ki, ötən il ümumi 70 nəzarət tədbiri həyata keçirilib: "Nöqsanlar əsasən ayrılan vəsaitlərin düzgün istifadə olunmaması, dövlət satınalmaları sahəsində və mühasiba uçotu ilə bağlı olub. Dövlət satınalmaları ilə bağlı nöqsanlar ümumi nöqsanların 36 fazini, mühasibat uçotu ilə bağlı nöqsanlar 35 faizini, dövlət zəmanəti ilə verilən kreditlərlə bağlı nöqsanlar isə ümumi nöqsanların 15 faizini təşkil edib".шаблоны для dle 11.2