Paşayeva məşhur balaban ifaçısı ilə görüşdü – Foto
Baxılıb: 449 Tarix: 27-05-2021 10:54
Milli Məclisin Mədəniyyət Komitəsinin sədri Qənirə Paşayeva tanınmış Azərbaycan musiqiçisi, virtuoz balaban ifaçısı, xalq artisti Əlixan Səmədovla Mədəniyyət Komitəsində görüşüb.
Kult.az xəbər verir ki, millət vəkili nəfəsli və xalq çalğı alətlərini böyük ustalıqla ifa edərək ün qazanmış sənətkarın qardaş Türkiyədə də çox yaxşı tanındığını, sevildiyini məmnuniyyətlə vurğulayıb.
“Özəlliklə ustad balabançı kimi qısa müddətdə böyük dinləyici auditoriyası qazandlığınızı xüsusi qeyd etmək istərdim. Sizin yüksək sənətkarlıqla qələmə aldığınız “Balaban metodu” kitabınız bu sahənin mütəxəssisləri və gənc balabançılar üçün qiymətli mənbədir”.
Sənətkara yeni yadıcılıq uğurları arzulayan Komitə sədri daha çox Mədəniyyət İli kimi xarakterizə olunan 2021-ci il üçün planlaşdırılan dövlət və ictimai tədbirlər haqqında fikirlərini bölüşüb. O, Nizami İli, Şuşanın Mədəniyyət Paytaxtı elan olunması və bunlardan irəli gələn - hər bir sənətkarın da üzərinə mənəvi məsuliyyət qoyan vəzifələrdən söz açıb.
Q.Paşayeva sənətkara Qarabağ motivli xatirə hədiyyəsi təqdim edib.
Xalq artisti səmimi görüş və fikir mübadiləsi üçün Komitə sədrinə təşəkkür edib.
Qanunvehedef.az
Ən çox oxunanlar
Son xəbərlər
