Xaçmazda Regional Sınaq Laboratoriyasının açılışı oldu - Foto

Dekabrın 27-də Azərbaycan Qida Təhlükəsizliyi İnstitutunun Xaçmaz Regional Sınaq Laboratoriyasının açılışı olub. Açılışda AQTA sədrinin müavini Balarəhim Quliyev və Xaçmaz Rayon İcra Hakimiyyətinin başçısı Şəmsəddin Xanbabayev iştirak ediblər.
Agentlikdən Qanunvehedef.az-a bildirilib ki, açılışdan sonra agentlik nümayəndələri Xaçmaz şəhəri Tarix Diyarşünaslıq Muzeyində Azərbaycan Qida Təhlükəsizliyi İnstitutunda və yerli struktur bölmələrdə işlə təmin olunmaq üçün müraciət edən vətədaşlarla görüşüb. Görüşdə Xaçmaz, Quba, Qusar, Şabran, Siyəzən və Xızı rayonlarından Azərbaycan Qida Təhlükəsizliyi İnstitututunda işləmək üçün müraciət edən iddiaçılar iştirak edib.
İşlə təmin olunmaq istəyən vətəndaşların müraciətləri qeydiyyata alınıb və vakant vəzifələrə uyğun olan iddiaçılarla bağlı aidiyyəti struktur bölmələrə tapşırıqlar verilib.