Donuz qripinə qarşı 38 AZN-lik dərman... - Nazirlik
Baxılıb: 853 Tarix: 11-01-2019 13:54
Azərbaycana donuz qripinə (H1N1 virusu) qarşı peyvənd gətirilməsi ilə bağlı yayılan xəbərlər həqiqəti əks etdirmir.
Qanunvehedef.az xəbər verir ki, bu barədə Səhiyyə Nazirliyinin Mətbuat xidmətindən Medicina.az-a bildirib.
Nazirlik açıqlamada donuz qripi vaksinasiyasının olmadığını vurğulayıb:
“Ümumi qrip vaksinasiyası var, o da Azərbaycanda planlı şəkildə həyata keçirilməyib. Hazırda Azərbaycanda mövsümi qripin səviyyəsi ötən illərlə müqayisədə çox aşağıdır. Mövsümi qrip əleyhinə isə peyvənd var, istənilən vətəndaş özünü klinikalarda peyvənd etdirə bilər”.
Qeyd edək ki, həkim-terapevt, hepatoloq Zaur Oruc Sputnik.az-a açıqlamasında Azərbaycana donuz qripinə (H1N1 virusu) qarşı peyvənd gətirilməsi haqda ona məlumat verildiyini bildirmişdi. O, sözügedən peyvəndin qiymətinin 38 manat olduğunu demişdi.
Ən çox oxunanlar
Son xəbərlər
