Azərbaycanda gediş haqqı 10 qəpik bahalaşır? - AÇIQLAMA

Benzinin və suyun qiymətindən sonra ictimai nəqliyyatda gediş haqqının da bahalaşması ilə bağlı iddialar səsləndirilir. Əsasən də metro fəaliyyətini yenidən bərpa etdikdən sonra gediş haqqının 40 qəpik olacağı söylənilir. Azərbaycanda gediş haqqı 10 qəpik bahalaşa bilərmi?
Bununla bağlı Sonxeber.az-a danışan deputat Azər Badamov bildirib ki, ictimai nəqliyyatda gediş haqlarının tarifləri Tarif Şurası tərəfindən müəyyənləşdirilir:
"Müvafiq qurum tərəfindən Tarif Şurasına ictimai nəqliyyatda sərnişin daşınmalarında qiymət artımının edilməsi ilə əlaqədar müraciət olumadığından qiymət artımından danışmağı düzgün hesab etmirəm. Mal və xidmətlərdə qiymət artımları vətəndaşların sosial vəziyyətinə mənfi təsir göstərdiyindən bu, heç kimin ürəyincə deyil. Amma çox təəssüf ki, bəzi hallarda bu, qaçılmaz olur".

Aysel Yusifqızı

Qanunvehedef.az