Bu avtobuslarda niyə kondisioner işləmir?

Sumqayıt avtobuslarında yay aylarında kondisionerlərin işləməməsi sakinlərin narazılığına səbəb olub.
Bu barədə Qanunvehedef.az-a Sumqayıt şəhər sakinləri məlumat veriblər. Sakinlər bildiriblər ki, yay mövsümü başlayandan 2, 3, 5, 7, 9, 26, 30 nömrəli avtobusların heç birində kondisioner işləmir.
Məsələ ilə bağlı saytımıza açıqlama verən Sumqayıt Avtomobil Nəqliyyatı ilə Sərnişindaşıma İdarəsinin rəisi Tofiq Saydumov bildirib ki, növbəti həftənin bazar ertəsindən etibarən sözügedən avtobuslarda kondisionerlər işləyəcək:
“İdarə tərəfindən avtobuslarda frion maye qaz probleminin üzərində işə başlanılıb. İyun ayının 21-22-dən etibarən avtobuslarda kondisioner sistemi tam işə düşəcək”.