Təbrizdə azərbaycanlı milli fəalın məzarı dağıdıldı

Təbrizdə mərhum azərbaycanlı milli fəal Əziz Purvəlinin məzar daşı sökülüb.
Qanunvehedef.az xəbər verir ki, məzar daşının kimlər tərəfindən söküldüyü müəyyən edilməyib.
Qeyd edək ki, bu, Purvəlinin məzar daşıyla bağlı ilk neqativ hal deyil. Belə ki, bundan öncə İran təhlükəsizlik orqanları Purvəlinin məzar daşının dəyişdirilməsini istəmişdilər. Buna səbəb məzar daşının üzərində “Sahibsiz olan məmləkətin batması haqdır/ Biz sahib olursaq, bu vətən batmayacaqdır” misrasının yazılması olmuşdu.
Əziz Purvəli 2019-cu il mayın 23-də Təbrizdə vəfat edib.