Bu qəhrəmanlarımızın anası Azərbaycan vətəndaşı oldu

Cənab Prezidentin Sərəncamı ilə Azərbaycan Respublikasının vətəndaşlığını qəbul etmək istəyini bildirən ölkəmizin ərazi bütövlüyü uğrunda gedən döyüşlərdə şəhid olmuş “Azərbaycanın Milli Qəhrəmanı” Mirzəyev İlqar Anzor oğlunun anası, “Vətən uğrunda” medalı ilə təltif edilmiş Əliyev Romir Rəşadət oğlunun anası və Məmmədov Rafiq Sahibulla oğlunun anası Azərbaycan Respublikasının vətəndaşlığına qəbul edilib.
Qanunvehedef.az xəbər verir ki, bu barədə Dövlət Miqrasiya Xidmətinin (DMX) rəisi Vüsal Hüseynov qeyd edib.
"Torpaqlarımızın azadlığı uğrunda canlarından keçmiş bütün Şəhidlərimizin əziz ruhuna dərin ehtiramımızı bildiririk.
Allah rəhmət eləsin!" - V.Hüseynov bildirib.