Neftçalanın bərbad yolları – AAYDA nə vaxt təmir edəcək?
Baxılıb: 324 Tarix: 18-08-2021 12:12
Neftçala rayonunun Şorsulu, Qaçaqkənd, Xolqarabucaq, Xəzərkənd kəndərinin yolları tamamilə yarasız haldadır. İllərdir yollar bərbad olduğundan hərəkət edən avtomobillər tez-tez sıradan çıxır, sürücülərin işi çətinləşir. Uzunluğu 30 kilometrdən artıq olan bu yolun üzərində 8 yaşayış məntəqəsi yerləşir. Kəndlərdə yaşayan 30 mindən çox əhali hazırda bu çətinliklə üz-üzədir.Bu barədə Qanunvehedef.az-a rayon sakinlərindən məlumat daxil olub.
Məsələ ilə bağlı açıqlama verən Azərbaycan Avtomobil Yolları Dövlət Agentliyinin (AAYDA) Neftçala rayonunda yerləşən 50 saylı Yol İstismarı Məhdud Məsuliyyətli Cəmiyyətindən bildirilib ki, sözügedən yolun dislokasiyası dəyişdirilərək Qaçaqkənd-Qırmızıkənd-Xolqarabucaq-Xəzərkənd avtomobil yolu olmaqla 29,6 kilometrdən 42 kilometrə çatdırılıb:
“Bu yol yenidən layihələndirilib və AAYDA-ya təqdim olunub. Avtomobil yolunun əsaslı təmiri 2019-2023-cü il Dövlət Proqramı çərçivəsində öz həllini tapacaq”.
Ən çox oxunanlar
Son xəbərlər
