Mərdəkan qəsəbəsində Səyyar “ASAN xidmət” avtobusu vətəndaşlara xidmət göstərir
16 iyun 2026-cı il tarixindən etibarən Xəzər rayonu, Mərdəkan qəsəbəsi, Mərdəkan Mədəniyyət Sarayının qarşısında Səyyar “ASAN xidmət” avtobusu vətəndaşlara xidmət göstərməkdədir. Avtobusun fəaliyyəti 25 iyun tarixinədək davam edəcəkdir.
Səyyar formada təqdim olunan xidmətlər Azərbaycan Respublikasının Ədliyyə Nazirliyi, Daxili İşlər Nazirliyi, Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondu, İqtisadiyyat Nazirliyi yanında Əmlak Məsələləri Dövlət Xidməti tərəfindən həyata keçirilir.
Xüsusi təchiz olunmuş avtobusun əsas məqsədi “ASAN xidmət” mərkəzlərinin olmadığı regionlarda əhaliyə dövlət xidmətlərini daha rahat, innovativ üsullarla təqdim etmək, vətəndaşların mərkəzlərə gəlmədən xidmətlərdən yararlanmasını təmin etməkdir. Bu təşəbbüs dövlət xidmətlərinin əlçatanlığını artırmaqla yanaşı, vətəndaş məmnunluğunun yüksəldilməsinə xidmət edir.
Qəni Hüseynov
