Xəzər Rayon İcra Hakimiyyətinin başçısı Elşən Salahov Şağan qəsəbəsində növbəti səyyar qəbul keçirib

Azərbaycan Respublikası Prezidentinin tapşırıq və tövsiyələrinə əsasən, əhalini narahat edən problemlərin yerlərdə birbaşa həlli məqsədilə qəsəbələrdə sakinlərlə görüşlərin keçirilməsi davam etdirilir.

Xəzər Rayon İcra Hakimiyyətinin başçısı Elşən Salahov 24 iyun 2026-cı il tarixində Şağan qəsəbəsi Mədəniyyət Mərkəzində sakinlərlə növbəti səyyar qəbul keçirmişdir.

Səyyar qəbulda Rayon İcra Hakimiyyəti başçısı Aparatının məsul əməkdaşları, qəsəbə inzibati ərazi dairəsi üzrə nümayəndəsi, bələdiyyə sədri, həmçinin rayonun idarə, müəssisə və xidmət təşkilatlarının rəhbərləri iştirak etmişlər.

Tədbir zamanı vətəndaşların müraciətləri dinlənilmiş, qaldırılan məsələlərin qanunvericiliyin tələblərinə uyğun araşdırılması və operativ həlli məqsədilə aidiyyəti qurumlara müvafiq tapşırıqlar verilmişdir.

Qəni Hüseynov