Rayon İcra Hakimiyyətinin başçısı Elşən Salahov rayonun xidmət sahələrinin rəhbərləri ilə birlikdə Türkan qəsəbəsində olub
Bu gün Xəzər Rayon İcra Hakimiyyətinin başçısı Elşən Salahov rayonun xidmət sahələrinin rəhbərləri ilə birlikdə Türkan qəsəbəsində olub. Qəsəbə ağsaqqalları və ziyalılarının iştirak etdiyi görüşdə yerli infrastruktura daxil olan məsələlər, əhalinin müraciətləri və həyata keçirilən abadlıq-quruculuq işləri geniş müzakirə olunub. Müzakirələr zamanı icra başçısı sakinlər və ağsaqqallarla səmimi həmsöhbət olaraq onların təklif və qayğılarını dinləyib. Qəsəbə ağsaqqalları dövlət tərəfindən regionların sosial-iqtisadi inkişafına göstərilən diqqətə görə minnətdarlıqlarını bildirərək qəsəbədəki mövcud məsələlərin həlli ilə bağlı fikir mübadiləsi aparıblar.
Daha sonra icra başçısı E.Mirzəyev adına 6 №li Respublika İnteqrasiya təlimli internat tipli ümumtəhsil məktəbinin qarşısında Türkan bələdiyyəsi tərəfindən yeni drenaj xəttinin çəkilişi ilə yerində tanış olub. Yağış və qrunt sularının kənarlaşdırılması, ərazidə subasmaların qarşısının alınması və xəttin texniki normativlərə uyğunluğu ilə maraqlanan rayon rəhbəri görülən işlərin yüksək keyfiyyətlə tamamlanması və infrastrukturun nəzarətdə saxlanılması üçün aidiyyəti qurumların məsul şəxslərinə müvafiq tapşırıqlar verib.
Qəni Hüseynov
