Türkiyə və Rusiyaya ehtiyacımız var - Mistura

Suriyada problem yaşandığı halda danışıqlar prosesinin çökməməsi üçün Türkiyə və Rusiyaya ehtiyacımız var.
Qanunvehedef.az xəbər verir ki, bu sözləri BMT-nin Suriya üzrə keçmiş xüsusi təmsilçisi Stefan de Mistura deyib.
“İnanın ki, həm hökumət, həm də müxalifyönlü suriyalılar çox qürurludurlar. Özlərinə hər hansı göstəriş verilməsini xoşlamırlar. 8 illik müharibə dövründə Suriyaya 15 ölkə daxil oldu və bu ölkələrin hamısının tərəflər üzərində müəyyən nüfuzu var. Xüsusilə Rusiya və İranın hökumət, Türkiyə və digərlərinin isə müxaliflər üzərində təsiri hökm sürür. Bir problem yaşanarkən Türkiyə və Rusiyaya güvənməliyik”, - deyə Mistura bildirib.