Gürcüstanı qarışdıran olayın “müəllifi” erməni çıxdı

Gürcüstanda intihar edən 15 yaşlı Luki Siradzenin cinayət işiylə əlaqədar Didube Çuquret polisinin müstəntiqi, erməni əsilli Marina Çoloyan saxlanılıb.
Qanunvehedef.az xəbər verir ki, istintaq bitənə qədər Çoloyanın səlahiyyətlərinin əlindən alındığı bildirilib. Onun yeniyetməni ölüm həddinə çatdırmaqda ittiham olunduğu və günahı sübuta yetiriləcəyi təqdirdə 4 ilə qədər həbs cəzasına məhkum ediləcəyi vurğulanıb.
Qeyd edək ki, Siradze məktəb divarına vulqar ifadə yazdığı üçün polisə çağırılıb. Vəkilinin dediyinə görə, polisdə Siradzeyə psixoloji təzyiq edilib, günahını etiraf etməyəcəyi təqdirdə qardaşına problem yaradılacağı bildirilib. Siradze bundan sonra özünü 9-cu mərtəbədən ataraq intihar edib. Xəstəxanada 5 gün komada qalan yeniyetmənin həyatını xilas etmək mümkün olmayıb.