ABŞ hərbçiləri "İncirlik" aviabazasında qalacaqlar – Pentaqon
Baxılıb: 532 Tarix: 25-12-2019 08:48
Qanunvehedef.az xarici KİV-ə istinadla verdiyi xəbərə görə, Pentaqon Amerika Birləşmiş Ştatlarının (ABŞ) Türkiyənin «İncirlik» bazasındakı hərbi-hava qüvvələrinə (HHQ) məxsus aviabazasının mümkün bağlanması barədə yayılan xəbərləri tam şəkildə yalanlayıb. Guya, yerli hakimiyyət ABŞ sanksiyalarına cavab olaraq, sözügedən bazanı bağlayacağı barədə hədə-qorxu gəlib.
ABŞ Müdafiə Nazirliyinin mətbuat xidmətinin məlumatına görə, ABŞ HHQ-nin bazada yerləşdirilmiş 39-cu qanadı orada 2024-cü ilə qədər tikinti işlərinin aparılması barədə kontrakt imzalayıb.
95 milyon dollarlıq tikinti işlərinin aparılması üçün podratçı qismində Türkiyə şirkətləri çıxış edirlər. Onlar bazada ümumi təyinatlı hərbi obyektlərin elementlərinin tikintisini həyata keçirəcəklər.
Bununla yanaşı, Türkiyə hakimiyyət dairələri hələlik bu informasiyanı şərh etməyib.
Bundan əvvəl, Türkiyə Cümhuriyyətinin prezidenti Rəcəb Tayyip Ərdoğan bəyan etmişdi ki, ABŞ sanksiyalarına cavab olaraq, Ankara ABŞ həbçiləri üçün «İncirlik» və «Kürəcik» aviabazalarını bağlaya bilər.
Pentaqoun başçısı Mark Esper isə bu barədə yalnız «qəzetlər»dən xəbər tutduğunu bildirib.
Ən çox oxunanlar
Son xəbərlər
