Patruşevdən şok: Rusiyada rəngli çevriliş...
Baxılıb: 513 Tarix: 10-06-2020 13:16
Rusiyada rəngli çevriliş keçmiş SSRİ ölkələrinə inqilab ixracı ilə məşğul olan Qərbin strateji hədəfidir.
Qanunvehedef.az xəbər verir ki, bunu Rusiya Təhlükəsizlik Şurasının katibi Nikolay Patruşev “Arqumentı i Faktı” qəzetinə müsahibəsində deyib.
“Qərbin keçmiş SSRİ ölkələrinə inqilab ixracı səyləri ayrı-ayrı həlqələri təkcə Rusiyanın təsirindən çıxarmaqdan ibarət deyil. Strateji hədəf Rusiyanın özündə rəngli çevriliş etməkdir”, – deyə o bildirib.
Patruşev rəngli inqilabların baş tutduğu ölkələrin çiçəklənmə yerinə fərqli sferalarda dərin böhran yaşadıqlarını söyləyib:
“Siyasi rejimlərin demontaj hallarının çoxu Qərbi hərbi-siyasi və ya iqtisadi ittifaqlarının, eləcə də transmilli şirkətlərin birbaşa strateji maraqları ilə bitib. Bununla belə yerli elitanın bir qismi dövlət çevrilişinin real təşkilatçılarının gizlədilməsi aləti kimi çıxış edərək, bundan dividentlər götürüblər”.
Patruşev MDB ölkələrinin Qərbdən suverenlik və demokratiya vədlərindən başqa heç nə almadığını deyib.
Ən çox oxunanlar
Son xəbərlər
