Haftar Misiri Liviya savaşına “çağırmağa” hazırlaşır

Əgər Liviya Milli Razılıq Hökuməti Sirt və Əl Cufra şəhərini tutsa, “Liviya xalqı” (qiyamçı Haftar ordusu nəzərdə tutulur – red.) rəsmi şəkildə Misirdən Liviyadakı hərbi konfliktə müdaxilə etməyi xahiş edəcək.
Qanunvehedef.az xəbər verir ki, bunu MENA agentliyinə müsahibəsində qiyamçı Haftarın tərəfində olan Liviya Nümayəndələr Palatasının sədri Aqil Saleh deyib.
“Əgər terror qruplaşmaları (BMT tərəfindən tanınan qanuni hökumət nəzərdə tutulur – red.) qırmızı xətti keçsə, bu qanuni özünümüdafiə halı olacaq”, – deyə o bildirib.
Spiker Liviyaya qarşı silah embarqosunun yalnız Liviya Milli Ordusuna aid edildiyini deyib.
Qeyd edək ki, bundan öncə Misir Prezidenti Sisi Liviyaya hərbi müdaxilənin mümkünlüyünü açıqlamışdı.