Putin varisini dörd faktora görə seçəcək – Diplomat

Rusiyada hakimiyyətin transferi təkcə ölkənin gələcək inkişafı deyil, həm də ABŞ-ın siyasəti üçün vacibdir.
Qanunvehedef.az xəbər verir ki, bunu ABŞ-ın Rusiyadakı keçmiş səfiri Con Teft deyib.
“Putinin varisinin seçilməsi ABŞ-ın xarici və müdafiə siyasətinə fundamental şəkildə toxunacaq. Putinin varisi ilk növbədə Rusiyanın zəif siyasi institutları nəzərə alınarsa, böyük hakimiyyətə sahib olacaq. Beləliklə, onun şəxsi qənaətləri ABŞ-ın əsas maraqlarına toxuna bilər. İkincisi, prezident hərbi qüvvələrin Ali Baş komandanı, Rusiya isə ABŞ-ı nüvə silahı ilə məhv edə biləcək yeganə gücdür. Üçüncüsü, Putinin varisi seçim qarşısında qalacaq. Sələfinin II Dünya müharibəsindən sonra formalaşan liberal dünya nizamanı dağıtmaq xəttini davam etdirəcək, yoxsa xarici siyasət kursunu dəyişdirəcək? Putin çoxqütblülüyə əsaslanan beynəlxalq münasibətlər sisteminə üstünlük verərdi”, – deyə o bildirib.
Teft Putinin Rusiyanın siyasi sistemində tez-tez arbitr, bəzən isə əsas qərarların qəbulunda maliyyə oyunçusu obrazında çıxış etdiyini deyib. Yaxın dörd ildə nələrin baş verəcəyini söyləməyin çətin olduğunu vurğulayan eks-səfir Putinin xələfini seçərkən dörd faktora – klandaxili siyasi mübarizəyə, təhlükəsizlik strukturlarının fikrinə, iqtisadi situasiyaya və ictimai fikrə diqqət edəcəyini söyləyib.шаблоны для dle 11.2