Paşinyan Bakıya xəyanət edən generalı azadlığa buraxdırdı
Baxılıb: 573 Tarix: 15-06-2018 17:58
Ermənistanın Kassasiya Məhkəməsi erməni general Samvel Babayanı azadlığa buraxıb.
Qanunvehedef.az xəbər verir ki, qərara səbəb Ermənistanın 11 deputatının Babayanla bağlı şəxsən zəmanət verməsi olub.
Qeyd edək ki, Babayan keçən ilin noyabrında 6 il azadlıqdan məhrum edilmişdi. O, Ermənistanda dövlət çevrilişinə cəhd etməkdə şübhəli bilinərək, 22 martda tutulmuşdu. Erməni general “İqla” raketlərinin Ermənistana keçirilməsində və Ermənistan Prezidenti Serj Sərkisyana qarşı sui-qəsd təşkil etməkdə təqsirləndirilmişdi.
Babayan əslən Xankəndidəndir. Dağlıq Qarabağın Ermənistana birləşdirilməsini təbliğ edən Miatsum hərəkatının üzvlərindən biri olub. Qarabağda azərbaycanlılara və ermənilərə qarşı xüsusi əməliyyatlarda iştirak edib. 1991-ci ilin iyununda həbs edildikdən sonra 6 ay müddətində Bakıda həbsdə saxlanılıb, sonradan azadlığa buraxılıb. Babayan Xocalı, Şuşa rayonların alınmasında yaxından iştirak edib. O, həmçinin 1994-cü ildə atəşkəs müqaviləsinə imza atanlardan biri olub.
Ən çox oxunanlar
Son xəbərlər
